Fyrirtækið var stofnað árið 1994 af þeim Arnóri Stefánssyni og Önnu Ingvarsdóttur. Frá upphafi hefur Dímon einbeitt sér að sölu veiðarfæra öðrum en togveiðarfærum.

Fyrirtækið hefur verið mjög öflugt á markaði fyrir línu og króka. Einnig er sterk staða í netum og tengdum vörum.

Árið 2000 hófst innflutningur á beitu og í dag flytur Dímon inn mikið magn af Smokkfisk og Sandsíli ásamt því að vera með Síld og Makríl.

Fyrstu árin byggðist reksturinn á innflutningi og sölu á vörum annara framleiðenda en í dag hefur Dímon fært sig meira í átt að eigin framleiðslu og er ásamt fleirum eigandi að Aðlöðun ehf sem hefur þróað pokabeitu sem er að koma á markað á Íslandi.

Einnig hefur verið fjárfest í erlendu fyrirtæki sem framleiðir allar gerðir af krókum. Framleiðsla þess er einnig að koma á markað á öllum markaðssvæðum Dímon.

Hjá fyrirtækinu starfa að jafnaði 8-10 manns við sölu og framleiðslu.